मूलम्
काचः काञ्चनसंसर्गाद् धत्ते मारकतीर्द्युतीः ।
तथा सत्सन्निधानेन मूर्खो याति प्रवीणताम्॥४१॥
पदविभागः-
काचः काञ्चन-संसर्गाद् धत्ते मारकतीः द्युतीः । तथा सत्सन्निधानेन
मूर्खः याति प्रवीणताम्॥४१॥
अन्वयः-
काचः काञ्चन-संसर्गाद् मारकतीः द्युतीः धत्ते । तथा मूर्खः सत्सन्निधानेन
प्रवीणताम् याति ॥४१॥
प्रतिपदार्थः-
काचः = मृत्तिकाभेदः ;
काञ्चनम् = सुवर्णम् ;
संसर्गाद्
= सम्पर्कात् ;
मारकतीं = मरकतमणि-सम्बन्धिनीं, तत्तुल्यतामिति यावत् [मरकतः=पन्ना] ;
द्युतीः = प्रकाशान्
;
सत्सन्निधानेन = सतां साङ्गत्येन ;
प्रवीणतां
= कुशलतां, पाण्डित्यञ्च ;
याति = लभते॥४१॥
तात्पर्यम्-
काञ्चनस्य सम्पर्केण काचः अपि मरकतमणिरिव कान्तिं प्राप्नोति।
तथैव बुद्धिहीनोऽपि सज्जनानां सङ्गतौ कौशल्यं लभते।
No comments:
Post a Comment