मूलम्-
न दैवमपि सञ्चिन्त्य त्यजेदुद्योगमात्मनः ।
अनुद्योगेन तैलानि तिलेभ्यो नाप्तुमर्हति॥३०॥
पदविभागः-
न दैवम् अपि सञ्चिन्त्य त्यजेद् उद्योगम् आत्मनः । अनुद्योगेन
तैलानि तिलेभ्यः न आप्तुम् अर्हति॥३०॥
अन्वयः-
दैवम् अपि सञ्चिन्त्य आत्मनः उद्योगं न त्यजेद् । अनुद्योगेन
तिलेभ्यः तैलानि न आप्तुम् अर्हति॥३०॥
प्रतिपदार्थः-
देवम् अपि = दैवम् अस्ति इति, भाग्यम् (तदेव सर्वकार्यसाधकमिति) ;
सञ्चिन्त्य = विभाव्य, चिन्तयित्वा ;
आत्मनः = आत्माधीनम् ;
उद्योगं = पुरुषार्थं ;
(यत् स्वयं कर्तुं शक्यते तत्) न त्यजेत् ;
(यतः)
अनुद्योगेन = उद्योगविकलेन, आलस्येन वा ;
(गृहकोणस्थितेभ्योऽपि तैलपूर्णेभ्योऽपि) तिलेभ्यः ;
तैलानि
;
आप्तुं = प्राप्तुं ;
न अर्हति = न योग्यो
भवति ।
तात्पर्यम्-
भाग्यमस्ति इति चिन्तयित्वा स्वस्य हस्ते यदस्ति, तत् प्रयत्नं न त्यक्तव्यम्
। प्रयत्नं विना तिलेषु सत्सु अपि तैलं न प्राप्नोति। (उद्योगाऽभावे हि गृहकोणस्थतिलेभ्योऽपि
तैललाभो न भवति, किं पुनरभ्युदयसम्पत्तिसुखादिलाभः । एवञ्च दैवस्य
आशां विहाय, पुरुषेण उद्योगोऽवश्यं विधेय इत्यर्थः) ॥३०॥
No comments:
Post a Comment