मूलम्-
श्रुतो हितोपदेशोऽयं पाटवं संस्कृतोक्तिषु ।
वाचां सर्वत्र वैचित्र्यं नीतिविद्यां ददाति च॥२॥
पदविभागः-
श्रुतः हितोपदेशः अयं पाटवं संस्कृत-उक्तिषु । वाचां
सर्वत्र वैचित्र्यं नीति-विद्यां ददाति च॥२॥
अन्वयः-
अयं हितोपदेशः श्रुतः। संस्कृत-उक्तिषु पाटवं च सर्वत्र
वाचां वैचित्र्यं ददाति। नीति-विद्यां च (ददाति)॥२॥
प्रतिपदार्थः-
अयं = मया वक्ष्यमाणः;
श्रुतः हितोपदेशः = ग्रन्थविशेषः;
संस्कृत-उक्तिषु
= संस्कृतभाषणादिषु;
पाटवं = कौशलम्;
सर्वत्र = सर्वविषयेषु;
वाचां
वैचित्र्यं = नानाविधोक्ति-चातुर्यम्;
नीति-विद्यां = राजनीतिं,
व्यवहारकौशलं
च;
ददाति =
(अत्र) शिक्षयति॥२॥
तात्पर्यम्
मया वक्ष्यमाणः हितोपदेशः संस्कृतभाषाप्रावीण्यं, सर्वविषयेषु
चातुर्यं, राजनीतिं
व्यवहारज्ञानं च ददाति।
No comments:
Post a Comment