मूलम्-
यथा मृत्पिण्डतः कर्ता कुरुते यद् यदिच्छति ।
एवमात्मकृतं कर्म मानवः प्रतिपद्यते॥३४॥
पदविभागः-
यथा मृत्पिण्डतः कर्ता कुरुते यद् यद् इच्छति । एवम् आत्मकृतं कर्म
मानवः प्रतिपद्यते॥३४॥
अन्वयः-
यथा मृत्पिण्डतः कर्ता यद् यद् इच्छति (तत्तत्) कुरुते । एवम्
मानवः आत्मकृतं कर्म प्रतिपद्यते॥३४॥
प्रतिपदार्थः-
यथा मृत्पिण्डतः = मृत्तिकासंघेन ;
कर्ता = (अत्र) कुलालः ;
यद्यत् = शरावोदञ्चन-घटादिकम् ;
इच्छति =
कर्तुं वाञ्छति ;
तत्तत्-कुरुते = स्वप्रयत्नेन सम्पादयति ;
एवं = पूर्वोपपादितया रीत्या ;
मानवः = कर्ता ;
आत्मकृतमेव = स्वयमाचरितम् ;
कर्म = कर्मफलम् ;
धटादिकञ्च ;
प्रतिपद्यते = लभते, प्राप्नोति ॥३४॥
तात्पर्यम्-
यथा कुलालः मृत्तिकामुपयुज्य यद्वस्तु आवश्यकं तत् निर्माति, (कार्येषु
उपयुनक्ति च) तथा मनुष्योऽपि स्वयमाचरितस्य कर्मणः एव फलं भुनक्ति।
No comments:
Post a Comment