मूलम्-
काकतालीयवत् प्राप्तं दृष्ट्वापि निधिमग्रतः ।
न स्वयं दैवमादत्ते पुरुषार्थमपेक्षते॥३५॥
🌸
पदविभागः-
काक-तालीय-वत् प्राप्तं दृष्ट्वा अपि निधिम् अग्रतः । न स्वयं
दैवम् आदत्ते पुरुषार्थम् अपेक्षते॥३५॥
🌹
अन्वयः-
काक-तालीय-वत् प्राप्तं निधिम् अग्रतः दृष्ट्वा अपि दैवं स्वयं
न आदत्ते । पुरुषार्थम् अपेक्षते॥३५॥
🌷
प्रतिपदार्थः-
काकस्य आगमनमिव, तालस्य पतनमिव-काकतालं, काकतालमिव
~ काकतालीयं = सहसा उपनतम् ; तद्वत् = काकतालीयवत्
= काकागमनेन तालपतनवद्, कस्मात्, दैववशात्
;
प्राप्तं = लब्धं, निधिम् = शेवधिम्
= (खजाने को) ;
अग्रतः = पुरतः, दृष्ट्वापि
;
दैवं = भाग्यं ;
स्वयम् = स्वतः ;
न आदत्ते = न गृह्णाति ;
किन्तु-- आदाने-पुरुषार्थे = हस्तचालनादिकं पुरुषव्यापारम् ;
अपेक्षते = आश्रयते एव ;
सहायमपेक्षते एव ॥३५ ॥
🍁
तात्पर्यम्-
काकतालीयमिव (कस्यचित् मनुष्यस्य) पुरतः पतितं धनमपि भाग्येन
न गृह्णाति । तदर्थमपि प्रयत्न अपेक्ष्यते। 🌻
No comments:
Post a Comment