मूलम्-
दाने तपसि शौर्ये च यस्य न प्रथितं यशः ।
विद्यायामर्थलाभे च मातुरुच्चार एव सः॥१६॥
पदविभागः-
दाने तपसि शौर्ये च यस्य न प्रथितं यशः । विद्यायाम्
अर्थलाभे च मातुः उच्चारः एव सः॥१६॥
अन्वयः-
दाने तपसि शौर्ये च विद्यायाम् अर्थलाभे च यस्य यशः न
प्रथितं, सः मातुः
उच्चारः एव ॥१६॥
प्रतिपदार्थः-
दाने = धनादिवितरणे ;
तपसि = धर्माचरणादौ ;
शौर्ये = वीरत्वे ;
विद्यायाम् = ज्ञाने ;
अर्थलाभे = धनोपार्जने ;
यस्य = पुंसः ;
यशः = कीर्तिः ;
न प्रथितं = न प्रसृतम् ; सः ;
मातुः = जनन्याः ;
उच्चारः = विष्टा, मलं ;
एव = मात्रम् ॥१६॥
तपसि = धर्माचरणादौ ;
शौर्ये = वीरत्वे ;
विद्यायाम् = ज्ञाने ;
अर्थलाभे = धनोपार्जने ;
यस्य = पुंसः ;
यशः = कीर्तिः ;
न प्रथितं = न प्रसृतम् ; सः ;
मातुः = जनन्याः ;
उच्चारः = विष्टा, मलं ;
एव = मात्रम् ॥१६॥
तात्पर्यम्-
धनादिवितरणे, धर्माचरणादौ, वीरत्वे, ज्ञाने, धनोपार्जने यस्य पुंसः कीर्तिः न प्रसृतम्, सः जनन्याः
विष्ठामात्रम् । नासौ पुत्रः केषामपि उपयोगाय भवति। तस्य जन्म वृथा भवतीति
अभिप्रायः ॥१६॥
No comments:
Post a Comment