मूलम्--
शरीरस्य गुणानां च दूरमत्यन्तमन्तरम् ।
शरीरं क्षणविध्वंसि कल्पान्तस्थायिनो गुणाः ॥१.५०॥
पदविभागः--
शरीरस्य गुणानां च दूरम् अत्यन्तम् अन्तरम् । शरीरं
क्षण-विध्वंसि कल्पान्त-स्थायिनः गुणाः ॥१.५०॥
अन्वयः--
शरीरस्य गुणानां च अन्तरम् अत्यन्तं दूरम् । शरीरं क्षण-विध्वंसि
। गुणाः कल्पान्त-स्थायिनः ॥१.५०॥
प्रतिपदार्थः--
शरीरस्य = देहस्य ;
अत्यन्तं दूरं = नितरां विप्रकृष्टम् ;
अन्तरं = प्रभेदः ;
क्षणविध्वंसि = अचिरविनाशि, क्षणभङ्गुरम् ;
गुणाः = दयादाक्षिण्यादयः, यश इति यावत् ; कल्पान्तस्थायिनः = प्रलयपर्यन्तस्थायिनः ॥१.५०॥
अत्यन्तं दूरं = नितरां विप्रकृष्टम् ;
अन्तरं = प्रभेदः ;
क्षणविध्वंसि = अचिरविनाशि, क्षणभङ्गुरम् ;
गुणाः = दयादाक्षिण्यादयः, यश इति यावत् ; कल्पान्तस्थायिनः = प्रलयपर्यन्तस्थायिनः ॥१.५०॥
तात्पर्यम्--
देहस्य गुणानां च मध्ये भेदः महान्। कायः अविलम्बेन
विनश्यति। गुणास्तु सृष्टिविलयं यावत् तिष्ठन्ति॥१.५०॥
No comments:
Post a Comment