यस्य मित्रेण सम्भाषो यस्य मित्रेण संस्थितिः ।
यस्य मित्रेण संलापस्ततो नास्तीह पुण्यवान् ॥१.४०॥
पदविभागः--
यस्य मित्रेण सम्भाषः यस्य मित्रेण संस्थितिः । यस्य
मित्रेण संलापः ततः न अस्ति इह पुण्यवान् ॥१.४०॥
अन्वयः--
यस्य मित्रेण सम्भाषः, यस्य मित्रेण संस्थितिः, यस्य
मित्रेण संलापः (च) ततः पुण्यवान् इह न अस्ति ॥१.४०॥
प्रतिपदार्थः--
यस्य मित्रेण = सुहृदा सह ; सम्भाषः = आलापः ; संस्थितिः
= सहावस्थानम्., सहवासः ; संलापः =
मुहुर्मुहः कथा, गोष्ठीबन्धः ; ततः =
तदपेक्षया ; इह जगति ; पुण्यवान् =
सुकृती ॥१.४०॥
तात्पर्यम्--
यः नित्यं सख्या आलपते, सह तिष्ठति, वार्तालापरतो
भवति, ततः भाग्यवान् नरः न भवति अन्यः ॥१.४०॥
No comments:
Post a Comment