मूलम्-
असाधना वित्तहीना बुद्धिमन्तः सुहृन्मताः ।
साधयन्त्याशु कार्याणि काककूर्ममृगाखुवत्॥१.२॥
पदविभागः-
असाधनाः वित्त-हीनाः बुद्धिमन्तः सुहृन्मताः । साधयन्ति आशु
कार्याणि काक-कूर्म-मृग-आखु-वत्॥१.२॥
अन्वयः-
असाधनाः वित्त-हीनाः बुद्धिमन्तः सुहृन्मताः । काक-कूर्म-मृग-आखु-वत्
आशु कार्याणि साधयन्ति ॥१.२॥
प्रतिपदार्थः-
असाधनाः = उपकरणवर्जिताः ; वित्तहीनाः = धनवर्जिताः ; (अपि-) बुद्धिमन्तः = मनीषिणः ; सुहृत्तमाः = परस्परहितैषिणः,
परस्परं मित्रतां गताः सहृदयाः ; आशु = शीघ्रम्
। काककूर्ममृगाखुवत् = वायस-कच्छपमूषकवत् ॥१.२॥
तात्पर्यम्-
साधनरहिताः, धनहीनाः चापि धीमन्तः, मित्रतासम्पन्नाः
(ये जनाः) ते (आगामिन्यां कथायां) वायस-कच्छपमूषकवत् कार्याणि शीघ्रं साधयन्ति॥
No comments:
Post a Comment